「培生擂台: 無敵盃 We are Champs 2021」鍾培生 x 林作

講咗咁耐，終於都要打!

有「百億富三代」之稱嘅鍾培生同林作嘅「百萬擂台之戰」，經過多場網上往來舌戰擾攘咗近半個月時間，終於喺3月5日舉行記者會宣佈有關「培生擂台」詳情，兩位亦喺兩日前簽好生死狀待戰。

擂台將會設於2021年9月，確實日期、地點及轉播方式有待公佈。同場亦將會有4-6場其他比賽舉行。
但確定的是擂台將會賣飛，亦設有現場觀眾，人數要視乎場地和安排待定。

記者會上合約擇要:
1. 賽事為拳擊形式進行
2. 賽事共4回合，每回合2分鐘
3. 鍾培生限重，量秤於比賽前一天進行。如超出合約規定重量，林作可獲判技術勝出，但雙方可以商量量依照安排比賽。若然依舊舉行比賽，鍾培生每超重0.5kg賠$10000; 林作則不受限。
4. 使用10安士拳套
5. 鍾培生同意無論賽事結果，均需向林作支付表演/比賽費用港幣一百萬元。
6. 若林作違反合約包括但不限於無法出席比賽，則鍾培生無需支付上述費用，林作需賠償期間所有宣傳支出。