2022年第一季|粵語流行曲填詞實戰班報名
Dream Impact 夢創成真活動內容 【填詞實戰班|2022 第一季】 填詞實戰班又番來啦!錯過左上次既朋友仔 唔緊要 把握今次既機會一齊學點樣填詞!新既朋友仔都非常歡迎! 一首歌 ——係詞曲創作人用四分鐘嘅時間,為聽眾建構另一個世界。 有人厭倦公式,鍾意別樹一格;有人不甘單調,想玩玩新意思;有人天生浪漫,想帶觀眾親歷詩境。冇話邊種賺人熱淚嘅歌詞先扣人心弦,而係真心講你想表達嘅世界觀,大家都會感受到。 雖然有心創作,但唔知點落手?【填詞實戰班|2022 第一季】而家已經有得報名,如果想透過歌詞呢個媒介做創作、感染其他人,就可以趁住呢一季嘅填詞實戰班,一齊學習點樣填一首好詞啦!最最最重要嘅係⭕優秀作品將獲出版機會或錄製成 Demo 📀,有興趣填詞嘅唔好錯過! 今次繼續有香港流行歌曲作詞人— 王仲傑先生作為導師,以5堂時間,為5首全新歌曲填詞。 王仲傑先生出版作品百多首,歌詞創作超過600首。曾與多位香港著名歌手合作,獲獎無數,亦為籽識教育創辦人,一直致力籌劃及推廣本土藝術教育發展及生涯規劃課程;亦曾於HKU Space、英皇創意書院、公開大學、HKDI等擔任填詞導師。 實戰班詳情 日期:2022年 1月5日、12日、19日、26日、2月9日 時間:7:30-9:30pm 費用:HK$2,500 共5堂 人數:6-10人 報名/查詢:3741 2620 地點:荔枝角(地鐵站3分鐘直達) 網上報名:https://cutt.ly/SQU3cMp 並將入數紙連同姓名、聯絡電郵及電話號碼電郵至info@underproductionhk.com 報名請將費用轉帳至以下其中一個帳號 Under Production Ltd. DBS: 016-494-471398489 Wong Chung Kit HSBC 541-224267-833 名額有限,先到先得,報名以收到入數紙及個人聯絡的電郵為實。